Author: crime aala
दिवा:दिवा शहरातील एका धक्कादायक घटनेने संपूर्ण परिसर हादरला आहे. अवघ्या १२ वर्षांच्या देवेंद्र आशिष सिंग या निष्पाप बालकाचा संशयास्पद परिस्थितीत मृत्यू झाल्याने नागरिकांमध्ये संतापाची लाट उसळली आहे. वैद्यकीय उपचाराच्या नावाखाली सुरू असलेल्या बोगस डॉक्टरांच्या जीवघेण्या धंद्यामुळे आणखी एका कुटुंबाचा संसार उद्ध्वस्त झाल्याचा आरोप होत आहे. माहितीनुसार, देवेंद्र याला दिवा परिसरात उपचारासाठी नेण्यात आले होते. तेथे एका कथित “बंगाली डॉक्टर” कडून औषध देण्यात आल्यानंतर काही मिनिटांतच मुलाची प्रकृती गंभीर झाली. हात-पाय वाकडे होणे, बेशुद्ध पडणे अशी धक्कादायक लक्षणे दिसल्यानंतर त्याला तातडीने रुग्णालयात दाखल करण्यात आले. डोंबिवलीहून मुंबईतील केईएम रुग्णालयात हलविण्यात आलेल्या देवेंद्रने तब्बल सात दिवस मृत्यूशी झुंज दिली; मात्र अखेर १…
कल्याण: एकीकडे तापमानाचा पारा ४३ अंशांवर पोहोचून नागरिक अक्षरशः उकाड्याने हैराण झाले असताना, दुसरीकडे कल्याण पूर्वेतील द्वारली पाडा, भाल, माणेरे आणि वसार परिसरात वारंवार होणाऱ्या वीज पुरवठा खंडित होण्याच्या प्रकारामुळे नागरिकांचा संताप अनावर झाला आहे. सततच्या वीज खंडिततेमुळे लहान मुले, ज्येष्ठ नागरिक आणि आजारी व्यक्तींना मोठा त्रास सहन करावा लागत आहे. विद्यार्थ्यांच्या ऑनलाइन शिक्षणावर तसेच विविध स्पर्धा परीक्षांच्या तयारीवर याचा विपरीत परिणाम होत असल्याची तक्रार स्थानिक नागरिकांकडून करण्यात येत आहे. तर शेतकरी वर्गालाही या समस्येचा फटका बसत असून दैनंदिन कामकाज विस्कळीत झाले आहे. या गंभीर समस्येकडे लक्ष वेधण्यासाठी महाराष्ट्र नवनिर्माण सेनेचे शाखाध्यक्ष तथा महाराष्ट्र राज्य कार्यकारिणी सदस्य युवराज ज्ञानदेव कांबळे…
डोंबिवली: डोंबिवलीत ज्येष्ठ नागरिकांना लक्ष्य करणाऱ्या चेन स्नॅचिंग टोळीचा विष्णुनगर पोलिसांनी पर्दाफाश करत अवघ्या काही दिवसांत गुन्ह्याची उकल केली आहे. मॉर्निंग वॉकसाठी गेलेल्या ६४ वर्षीय नागरिकाच्या डोक्यात काठीने वार करून गळ्यातील सोन्याची चेन लुटणाऱ्या टोळीतील तीन आरोपींना अटक करण्यात आली असून सहा विधीसंघर्षीत बालकांनाही ताब्यात घेण्यात आले आहे. २४ मे रोजी पहाटे गावदेवी जेट्टी परिसरात फेरफटका मारत असलेल्या सुगंध मंगल्या म्हात्रे यांच्यावर दोन दुचाकीस्वारांनी हल्ला चढवला. डोक्यात काठीचा फटका मारून त्यांना खाली पाडल्यानंतर गळ्यातील सुमारे २६ ग्रॅम वजनाची सोन्याची चेन हिसकावून आरोपी फरार झाले. या घटनेमुळे परिसरात भीतीचे वातावरण निर्माण झाले होते. गुन्हा दाखल होताच विष्णुनगर पोलिसांनी सीसीटीव्ही फुटेज, स्थानिक…
कल्याण : कल्याण स्टेशन आणि लालचौकी परिसरात प्रवाशांच्या जीवाशी खेळणाऱ्या बेशिस्त ऑटो रिक्षाचालकांविरोधात रविवारी उप प्रादेशिक परिवहन अधिकारी आशुतोष बारकुल यांच्या मार्गदर्शनाखाली विशेष कारवाई मोहीम राबविण्यात आली. या कारवाईमुळे दिवसभर स्टेशन परिसरात रिक्षाचालकांमध्ये एकच खळबळ उडाल्याचे चित्र पाहायला मिळाले. अक्षया बनसोडे, कविता पवार आणि प्रणव भुसे यांच्या विशेष पथकाने स्टेशन परिसरात थेट रस्त्यावर उतरून रिक्षांची तपासणी केली. जादा प्रवासी वाहतूक, अपूर्ण कागदपत्रे, नियमबाह्य वाहतूक आणि चालकांची माहिती यांची कसून चौकशी करण्यात आली. विशेष म्हणजे काही चालकांचे मराठी भाषेतील व्यवहारिक ज्ञानही तपासण्यात आले. या मोहिमेत एकूण १५ ऑटो रिक्षांची तपासणी करण्यात आली असून मोटार वाहन कायद्याचे उल्लंघन करणाऱ्या चालकांवर दंडात्मक कारवाई…
डोंबिवली : मानपाडा पोलीस ठाणे आणि नवी मुंबई पोलीस यांच्या संयुक्त पथकाने शुक्रवारी पहाटे खोणी-पलावा परिसरात मोठे कोंबिंग ऑपरेशन राबवत अवैधरीत्या वास्तव्यास असलेल्या नायजेरियन नागरिकांविरोधात धडक कारवाई केली. या कारवाईत १३ पुरुष, ७ महिला, ३ अल्पवयीन मुले आणि १ अल्पवयीन मुलगी अशा एकूण २४ जणांना ताब्यात घेण्यात आले असून त्यांच्या पासपोर्ट, व्हिसा आणि इतर कायदेशीर कागदपत्रांची सखोल पडताळणी सुरू करण्यात आली आहे. मानपाडा पोलीस ठाणे हद्दीत मागील दोन वर्षांत मोठ्या प्रमाणात ड्रग्सविरोधी कारवाया करण्यात आल्या होत्या. त्यानंतर खोणी-पलावा परिसरात काही नायजेरियन नागरिक अवैधपणे राहत असल्याची गोपनीय माहिती पोलिसांना मिळाली होती. त्याचबरोबर नवी मुंबईतील वाशी पोलीस ठाण्याच्या गुन्ह्यातील एका पाहिजे आरोपीचा…
कल्याण:कल्याण परिमंडळ-३ अंमली पदार्थ विरोधी पथकाची धडाकेबाज कारवाई करत तब्बल ३४ कोटी १८ लाख ८४ हजार रुपयांचे ९ किलो ७६८ ग्रॅम “हेरॉईन (गर्द)” जप्त करण्यात आले असून मुख्य पुरवठादारासह पाच आरोपींना पोलिसांनी जेरबंद केले आहे. स्मशानभूमीजवळ संशयास्पद हालचाली करणाऱ्या दोन इसमांना ताब्यात घेतल्यानंतर या आंतरजिल्हा ड्रग्ज रॅकेटचा पर्दाफाश झाला. या कारवाईत कासिम अब्दुल सत्तार वसईकर, कृष्णा नागप्पा हळेमणी, अमजद युसुफ पठाण, गणेशन पुथुस्वामी जंगमार उर्फ अण्णा आणि सद्दाम गफुर शेख या पाच आरोपींना अटक करण्यात आली आहे. आरोपींकडून जप्त करण्यात आलेल्या “गर्द”ची किंमत तब्बल ३४ कोटींपेक्षा अधिक असल्याने कल्याण परिसरात मोठी खळबळ उडाली आहे. तपासादरम्यान मुख्य सूत्रधार अमजद पठाण याच्याकडून…
डोंबिवली : केडीएमसीकडे फेरीवाल्यांविरोधात तक्रार केल्याचा राग मनात धरून एका पत्रकाराला थेट “तुला बघून घेईल, लेडीज काय करू शकते हे दाखवते” अशी धमकी देण्यात आल्याची धक्कादायक घटना डोंबिवली पोलीस ठाणे आवारातच घडली आहे. याप्रकरणी डोंबिवली पोलीस ठाण्यात अदखलपात्र गुन्हा (NCR) दाखल करण्यात आला आहे. मिळालेल्या माहितीनुसार, पत्रकार विनोद प्रेमनारायण गिरी यांनी केडीएमसीकडे फेरीवाल्यांविरोधात तक्रार केली होती. याचाच राग मनात धरून छाया अमोल खिल्लारे हिने १२ मे रोजी रात्री सुमारे १० वाजण्याच्या सुमारास डोंबिवली पोलीस ठाणे परिसरात गिरी यांना धमकी दिल्याचा आरोप करण्यात आला आहे. या प्रकरणी भारतीय न्याय संहिता (BNS) कलम 351(2) अंतर्गत डोंबिवली पोलीस ठाण्यात एनसीआर क्रमांक 1708/2026 दाखल…
चिपळूण:कोकणातील चिपळूण आणि खेड परिसरात गेल्या दोन दिवसांपासून पेट्रोल आणि CNG चा तीव्र तुटवडा निर्माण झाल्याने वाहनधारकांचे अक्षरशः हाल होत आहेत. मे महिन्याच्या सुट्ट्यांमुळे हजारो पर्यटक आणि प्रवासी बाहेर फिरण्यासाठी निघाले असतानाच अचानक निर्माण झालेल्या इंधन टंचाईने नागरिकांची मोठी तारांबळ उडालेली पाहायला मिळाली. पेट्रोल पंपांबाहेर पहाटेपासूनच वाहनांच्या लांबच लांब रांगा लागलेल्या दिसत होत्या. वाढत्या उकाड्यात महिला, ज्येष्ठ नागरिक आणि लहान मुलांसह अनेक प्रवासी तासनतास उन्हात उभे राहून इंधन मिळण्याची वाट पाहताना दिसले. काही ठिकाणी तर CNG संपल्याचे फलक लावण्यात आल्याने वाहनचालकांचा संताप अनावर झाला. विशेष म्हणजे, या टंचाईमागचे नेमके कारण काय याबाबत पेट्रोलियम कंपन्यांकडून कोणतीही स्पष्ट माहिती देण्यात आलेली नाही.…
डोंबिवली : कल्याण-डोंबिवली महानगरपालिकेच्या १०/ई प्रभाग कार्यालयातील कारभार पुन्हा एकदा वादाच्या भोवऱ्यात सापडला असून, “या प्रभागात मनपाचे नियम लागू होतात की नाही?” असा संतप्त सवाल नागरिकांकडून उपस्थित केला जात आहे. डोंबिवलीतील रहिवासी मनोज गिरी यांनी गंभीर आरोप करत सांगितले की, याच प्रभागातील कर्मचारी शासकीय वेळेत पत्ते खेळत असल्याची तक्रार यापूर्वी करण्यात आली होती. मात्र त्यावर कारवाई झाल्याचे चित्र दिसत नाही. आज पुन्हा कामानिमित्त प्रभाग कार्यालयात गेल्यानंतर धक्कादायक प्रकार समोर आला. वार्ड ऑफिसरचा खाजगी वाहन चालक थेट अनधिकृत बांधकाम निवारण कक्षात बसलेला आढळून आला. विशेष म्हणजे या कक्षात महत्त्वाचे शासकीय कागदपत्रे, अर्जदारांची वैयक्तिक माहिती व संवेदनशील नोंदी ठेवण्यात येतात. अशा ठिकाणी…
बदलापूर (प्रतिनिधी): बदलापूर पाईप लाईन रोड वरील येथील नेवाळी नाका परिसरात आज सकाळी एका ट्रकवरील चालकाचे नियंत्रण सुटल्याने ट्रक रस्त्यात आडवा झाला. या अपघातामुळे परिसरात मोठी वाहतूक कोंडी निर्माण झाली असून कामावर जाणाऱ्या नागरिकांची मोठी तारांबळ उडाली सुदैवाने या अपघातात जीवितहानी झाल्याचे वृत्त नाही. मात्र ट्रक हटविण्याचे काम सुरू असून वाहतूक काही काळ विस्कळीत राहण्याची शक्यता व्यक्त करण्यात येत आहे. .अपघातानंतर रस्त्याच्या दोन्ही बाजूंना वाहनांच्या लांबच लांब रांगा लागल्या. सकाळच्या गर्दीच्या वेळी घडलेल्या या प्रकारामुळे प्रवाशांना मोठा मनस्ताप सहन करावा लागला. घटनेची माहिती मिळताच वाहतूक पोलिसांनी घटनास्थळी धाव घेत वाहतूक सुरळीत करण्याचे प्रयत्न सुरू केले.
