कल्याण :वाहन चोरीच्या वाढत्या घटनांना आळा घालण्यासाठी कोळसेवाडी पोलिसांनी मोठी कारवाई करत सराईत आरोपीला अटक केली असून तब्बल ३ लाख ५५ हजार रुपये किमतीच्या १० मोटारसायकली जप्त केल्या आहेत.
पोलीस ठाणे हद्दीत वाढत्या वाहन चोरीच्या गुन्ह्यांच्या पार्श्वभूमीवर मा. पोलीस उप आयुक्त परि. ०३ कल्याण अतुल झेंडे, सहा पोलीस आयुक्त कल्याण विभाग कल्याणजी घेटे, वरिष्ठ पोलीस निरीक्षक हेमंत गुरव, तसेच पोलीस निरीक्षक (गुन्हे) गणेश न्हायदे यांच्या मार्गदर्शनाखाली विशेष पथकाची स्थापना करण्यात आली होती.
दिनांक ०३ एप्रिल २०२६ रोजी पोशि/१५२६ सुरेंद्र इंगळे यांना बातमीदारामार्फत माहिती मिळाली की, विठ्ठलवाडी रेल्वे स्टेशन समोर रॉयल रेसिडेन्सी परिसरात दोन इसम संशयास्पद हालचाली करत असून उभ्या असलेल्या वाहनांची पाहणी करत आहेत. या माहितीच्या आधारे पोलिसांनी तात्काळ सापळा रचून शुभम उर्फ शिवम संपत पठारे (वय २४, रा. उल्हासनगर ०३) व एक विधीसंघर्षित बालक यांना ताब्यात घेतले.
तपासादरम्यान आरोपींकडून चोरीस गेलेली एक्सेस १२५ स्कुटी (MH05/EN-5871) जप्त करण्यात आली. पुढील चौकशीत आरोपीकडून एकूण १० मोटारसायकली (किंमत अंदाजे ₹३,५५,०००) जप्त करण्यात आल्या. ही वाहने विठ्ठलवाडी, महात्मा फुले चौक व उल्हासनगर परिसरातून चोरी केल्याचे उघड झाले आहे. या कारवाईमुळे वाहन चोरीचे एकूण ०८ गुन्हे उघडकीस आले आहेत.
सदर गुन्ह्याचा पुढील तपास पोहवा/२१५ दत्तू जाधव हे करत आहेत.
या यशस्वी कारवाईत सहभागी अधिकारी व कर्मचारी:
सपोनि संदीप भालेराव, पोलीस उपनिरीक्षक जगन सापटे, पोहवा/६२५६ कापडी, पोहवा/१५३२ बोरसे, पोहवा/१२२६ सांगळे, पोहवा/१३१२ सौंदाणे, पोहवा/६५४८ सांगळे, पोहवा/५०३ वाघ, पोहवा/६९३० घुगे, पोहवा/२२८३ आव्हाड, पोहवा/२१५ जाधव, पोहवा/४२० बुधवंत, पोना/५०२५ फटांगरे, पोना/४५७ कोती, पोशि/१५२६ इंगळे, पोशि/३६०१ खरे, पोशि/२६५६ सोनावळे, पोशि/८४१४ गिते यांनी ही कारवाई यशस्वीपणे पार पाडली.
