दी.२६ (डोंबिवली):महाराष्ट्र जनरल मजदूर संघटनेच्या वतीने प्रजासत्ताक दिनानिमित्त ध्वजारोहणाचा भव्य कार्यक्रम आयोजित करण्यात आला. या कार्यक्रमाला आमदार राजेश मोरे, एसीपी सुहास हेमाडे, रामनगर पोलीस ठाण्याचे वरिष्ठ पोलीस निरीक्षक जावदवाड, विष्णुनगर पोलीस स्टेशनचे वरिष्ठ पोलीस निरीक्षक राम चोपडे यांच्यासह अनेक मान्यवर उपस्थित होते.
आमदार राजेश मोरे , एसीपी सुहास हेमाडे यांच्या हस्ते ध्वजारोहण करण्यात आले यावेळी आमदार राजेश मोरे यांनी प्रजासत्ताक दिनाचे महत्त्व नागरिकांना पटवून देत सर्वांना शुभेच्छा दिल्या. तसेच एसीपी सुहास हेमाडे यांनीही नागरिकांना प्रजासत्ताक दिनाच्या शुभेच्छा देत कायदा, संविधान आणि देशाच्या एकतेचे महत्त्व अधोरेखित केले.
कार्यक्रमाच्या शेवटी महाराष्ट्र जनरल मजदूर संघटनेचे संस्थापक व अध्यक्ष लक्ष्मण मिसाळ यांनी उपस्थित सर्व मान्यवरांचा श्रीफळ व शाल देऊन सन्मानपूर्वक सत्कार केला. कार्यक्रम शांततेत व उत्साहपूर्ण वातावरणात पार पडला.
