सभागृहनेतेपदी हणमंत जगदाळे, विरोधी पक्षनेतेपदी अशरफ ऊर्फ शानू पठाण यांची निवड
दि.२३ ठाणे : ठाणे महानगरपालिकाच्या महासभेत आज महत्त्वपूर्ण राजकीय घडामोडी घडल्या. महापौर शर्मिला पिंपळोलकर यांनी सभागृहनेतेपदी शिवसेनेचे हणमंत जगदाळे, तर विरोधी पक्षनेतेपदी नॅशनलिस्ट काँग्रेस पार्टी (शरदचंद्र पवार गट) चे गटनेते अशरफ ऊर्फ शानू पठाण यांच्या निवडीची अधिकृत घोषणा केली.
महासभेत झालेल्या या घोषणेमुळे महापालिकेतील सत्तासमीकरण स्पष्ट झाले असून, आगामी काळात सभागृहातील राजकीय रणधुमाळीला वेग येण्याची शक्यता व्यक्त केली जात आहे.
यावेळी उपमहापौर कृष्णा पाटील, महापालिका आयुक्त सौरभ राव, अतिरिक्त आयुक्त संदीप माळवी व प्रशांत रोडे, तसेच महापालिका सचिव मनीष जोशी उपस्थित होते.
महापौर शर्मिला पिंपळोलकर आणि आयुक्त सौरभ राव यांनी नवनिर्वाचित सभागृहनेते हणमंत जगदाळे व विरोधी पक्षनेते अशरफ ऊर्फ शानू पठाण यांचे पुष्पगुच्छ देऊन अभिनंदन केले आणि पुढील वाटचालीस शुभेच्छा दिल्या.
याशिवाय शिवसेना गटनेते पवन कदम, भाजपचे गटनेते मुकेश मोकाशी, राष्ट्रवादी काँग्रेस (अजित पवार गट) चे नजीब मुल्ला आणि एमआयएमचे सरफराज खान ऊर्फ सैफ पठाण यांचाही यावेळी सत्कार करण्यात आला.
