दि. 11 डोंबिवली :मोठागाव ते मानकोली दरम्यान असलेल्या उद्दाणपुलावर भरधाव वेगात वाहन चालवत रेसिंग व स्टंटबाजी करणाऱ्या वाहनचालकांवर विष्णुनगर पोलिस ठाण्याच्या वतीने कडक कारवाई करण्यात आली आहे. या प्रकरणाचे व्हिडीओ समाजमाध्यमांवर व्हायरल झाल्यानंतर पोलिसांनी तातडीने दखल घेत कारवाई केली.
दि 26 रोजी काही तरुणांनी मोटागाव–मानकोली उद्दाणपुलावर भरधाव वेगात कार व जीप चालवत स्ट्रीट रेसिंग केल्याचे प्रकार समोर आले होते. या प्रकारामुळे नागरिकांच्या सुरक्षिततेचा प्रश्न निर्माण झाला होता.
कारवाईचा तपशील:
1) थार जीप (MH05-FG-5656) चालविणाऱ्या पियूष द्वारकानाथ म्हात्रे (21) याच्यावर मोटार वाहन कायद्यानुसार कारवाई करून एकूण ₹3,500 दंड आकारण्यात आला.
2)होंडा व्हेरना कार (MH05-GD-0049) चालक वेदांत महेश वैभव याच्यावर कलम 184 अंतर्गत गुन्हा दाखल करण्यात आला.
3) स्कॉर्पिओ जीप (MH05-CV-3988) प्रकरणात रेसिंगचे व्हिडीओ शूट व प्रसारित करणाऱ्या विशाल दिनेश विष्णु (22) व कृष्णा मिर्झा (19) यांच्यावर महाराष्ट्र पोलिस अधिनियम अंतर्गत कारवाई करण्यात आली.
4) स्कॉर्पिओ जीप (MH46-CR-4111) चालक प्रदीप अंबादास ढाकाने (22) याच्याकडे वैध परवाना नसल्याने मोटार वाहन कायद्यानुसार कारवाई करण्यात आली.
मानकोली पुलासारख्या उद्दाणपुलांवर भरधाव वेगाने वाहन चालविणे अत्यंत धोकादायक असून यामुळे गंभीर अपघात होऊ शकतात. भविष्यात अशा प्रकारांमध्ये सहभागी आढळणाऱ्यांवर अधिक कठोर कायदेशीर कारवाई करण्यात येईल, असा इशारा पोलिस प्रशासनाने दिला आहे.
ही कारवाई पोलीस उपआयुक्त (परिमंडळ-3, कल्याण) व सहाय्यक पोलीस आयुक्त, डोंबिवली विभाग यांच्या मार्गदर्शनाखाली विष्णुनगर पोलीस ठाणे व सिटी वॉच शाखा, डोंबिवली यांच्या पथकाने केली आहे.
